Kiơ̆ tơroi, 'mi kial hlôi pơm 3 'nu bơngai lôch, 10 'nu rơka; hloh 6.800 tŏ hnam tơpăr bơbŭng, hư răm; 'mi kial đak hơbông lơ̆p 28.814 ha ƀa păng 2.221 ha tơmam pơtăm. Phŏ Thủ tướng sơkơ̆t hơdah tơdrong vang jang tơtom tơnăp đơ̆ng Nghệ An, Thanh Hóa, Hà Tĩnh, atŭm hăm noh pơgơ̆r hăm Thanh Hóa, Hà Tĩnh, Quảng Trị păng Thừa Thiên Huế hơlen lăng dơ̆ng tơdrong jang tang găn, mă kăl noh hơbong pơnơ̆t vă hơtŏk tơdrong kơchăng hăm 'mi kial.

Gah tơdrong hơmet răm, Phŏ Thủ tướng pơgơ̆r, pơtoi hơvơn khul linh, khul kŏng ang tơgŭm kon pơlei, mă hơlou noh hăm hnam trưng hŏk, anih hơmet jĭ jăn, unh hnam hin dơnuh păng unh hnam mă teh đak tơchơ̆t tơgŭm. Ƀok ră hơdah, kăl hrôih hơmet sơđơ̆ng vă pơtho pơhrăm, vei lăng sơđơ̆ng jơhngơ̆m jăn, sơđơ̆ng tơdrong hơrih ăn kon pơlei đơ̆ng rŏng kơ 'mi kial.