Rim bơngai tang măt akŏm tơroi kơ dôm tơdrong hơlen păng hlôh vao lơ̆m iŏk yua rup vê̆ tinh, tơdrong akŏm đei đơ̆ng hơlen tŏ 'mi kial, lơ̆m um la kak sô̆ păng tơdrong hơgei kơmăi kơmŏk lơ̆m hơlen mŭk drăm đak. Kiơ̆ kơ tơdrong tơblang dôm kơsô̆ pơkăp gah tŏ pơđang, teh hơ-iuch, đak 'mi, đak lơ̆m dơnou chih lơ̆m kơmăi kơsô̆, rim hơnih juăt jang gơh tơroi hơdrol gah tŏ pơđang, ưh kơ mah đak kiơ̆ kơ rim tơring.

Kơmăi hơlen păng dôm trong jang hơgei, iŏk yua tơdrong akŏm đei vă tơblang hơdah gô 'nhăk dôm tơdrong tơroi trŏ ƀlep gô tơgŭm ăn anih jang vei lăng Trung ương păng tơring chih akŏm trong jang hơlen, tơroi hơdrol gah tŏ pơđang, ưh kơ mah đak ăn tơdrong choh jang xa kiơ̆ trong hơbĕch hloh, tơgop tơjur ƀiơ̆ răm đơ̆ng tŏ 'mi kial păng hơtŏk choh jang xa sơđơ̆ng 'lơ̆ng. Tơdrong iŏk yua kơmăi kơmŏk hơlen tơguăt hăm tơplih kơmăi kơsô̆ lơ̆m hơlen iŏk yua thong hơbong đak jing trong jang kăp gĭt vă hơtŏk tơdrong jang vei lăng, asong đak, iŏk yua dơnou đak kiơ̆ năr hơlen jang, hơtŏk tơdrong ruih đak păng kơchăng tơjră hăm tŏ 'mi kial.