Vă iung jang ‘lơ̆ng tơdrong jang lơm hơnăp jang ‘nao, Kơdră chĕp pơgơ̆r teh đak athei ƀar ‘nu kơdră ,jang kiơ̆ ‘lơ̆ng tơdrong chĕp pơgơ̆r đơ̆ng Đảng, iung jang ƀlep rim tơdrong pơkăp păng tơdrong tơchơ̆t kơ Khôi luơ̆t tơm teh đak păng khôi luơ̆t; iung jang keh đang trong tơlĕch jang “Tơ iung pơjing tơdrong bơ̆ jang tư phap gơh hơgei, hơtŏ hơnơ̆ng, tơpăt, pơvih pơvăn ăn Teh đak, pơvih pơvăn ăn kon pơlei”. Tang măt rim kơdră đei pôk hơtŏk, Kơ iĕng Kơdră xek tơlang Hơnih tơm xek tơlang Lê Tiến sơkơ̆t hơdăh ‘nou jĭ mĭnh tơdrong pơjao jang tih tên mă Đảng, teh đak păng kon pơlei pơjao ăn; mă kăl, lơ̆m khei ‘năr Hơnih jang Xek tơlang tŏk bŏk tơlĕch jang kiơ̆ kơtang rim tơdrong tơchơ̆t, nơ̆r athei jang kiơ̆, nơ̆r pơma pơtôch đơ̆ng Đảng hăm trong tơlĕch ăn tôch kơtang găh tơ iung pơjing teh đak pháp quyền xã hội chủ nghĩa kơ kon pơlei, kơ yuơ kon pơlei păng yuơ kon pơlei; găh tơplih ‘nao, tơ iung pơjing keh kong trong bơ̆ jang khôi luơ̆t; atŏk kơtang bơ̆ jang hơmet ming khôi luơ̆t tơm teh đak; tơ iung pơjing bơ̆ jang tư phap gơh hơgei, hơtŏ hơnơ̆ng, tơpăt, iung jang ăn Teh đak, pơvih pơvăn ăn kon pơlei.