Iung pơma pơrô̆ hop akom, Kơdră chĕp pơgơ̆r Teh đak Lương Cường hôn bơnê kơtang dôm tơdrong jơnei păng tơdrong tơlĕch jang kơtang mă Đang ƀô̆, khul kơdră chĕp pơgơ̆r, ƀô̆ đô̆i kŏng ang păng kon pơlei dêh char Hưng Yên hlôi iŏk đei lơ̆m khei năr ou ki. Pơma hơdăh lơ̆m khei năr kơnh, đơ̆ng dang ei truh đĭ sơnăm 2025 đei lơ tơdrong jang kăl, lơ̆m ou đei rim tơdrong pơgơ̆r tih kơ teh đak, adoi jing sơnăm hơtuch kơrŭn đĭ ai jang keh đang hloh trong tơlĕch ăn Tơdrong tơchơ̆t Hop akŏm tih XIII kơ Đảng, Kơdră chĕp pơgơ̆r Teh đak athei Hơnih Đảng dêh char, Khul kơdră chĕp pơgơ̆r Đảng dêh char kăl hơnơ̆ng dăr lăng rim trong jang, iung jang kiơ̆ dôm tơdrong đei kĕ jang vă Hưng Yên iung jang pran kơtang hloh dơ̆ng, sơđơ̆ng tôm tơdrong, mă kăl yuk trong hơlou lơ̆m jang kiơ̆ dôm tơdrong đei dăr lăng hơlen.