Kiơ̆ tơbăt, lơ̆m năr 30/4 sơnăm ou gô ăn gre gơ̆h rok 228km trong gre rĕnh; lơ loh, lơ̆m teh đak gô đei 2.250 km trong gre rĕnh ming man keh đang; truh đĭ sơnăm gô jang keh đang 2.920 km. Tơdăh ming mang keh đang đĭ đăng rim tơdrong vă jang rim tơring lei gô đei dang 3.210 km. ‘Ngoăih kơ ‘noh, oei 2 tơdrong vă jang Đồng Đăng - Trà Lĩnh păng Hữu Nghị - Chi Lăng, tơdăh ming man keh đang hloi lơ̆m sơnăm 2025 lei akŏp kơsô̆ km trong gre rĕnh đơ̆ng Tu năm tơ̆ Pơbăh ‘noh 3.345 km. Thủ tướng athei ƀô̆ đô̆i, kŏng ang dăr lăng tơdrong jang tơ̆ rim jăl trong gre rĕnh, mă kăl jăl trong gre rĕnh Lạng Sơn- Cao Bằng. Thủ tướng pơma hơdăh, tơdăh atŏk kơtang iung jang, dăr lăng ming man păng đĭ đăng rim tơ-‘ngla ƀơm truh vang iung jang kơtang lei ưh khan lăp 3.000 km mă oei ming man keh đang 3.300 km, keh đang lơ hloh 10% pơtêng hăm trong tơlĕch ăn.