Tơ̆ jơ sơng, Tổng Bí thư Tô Lâm pơma hơdăh Việt Nam lăng Mi ‘noh jĭ teh đak jang hơdai gĭt kăl tih hloh păng ‘meh vă jang hơdai kơjăp hăm Mi vă hơnhăk tơdrong pơvei 2 teh đak roi ‘năr roi hơtŏk tơiung ‘lơ̆ng, yak mơ̆t lơ̆m jrŭ să, bơ̆jang kiơ̆ đei yua dôm tơdrong lơ̆m Nơ̆r tơchơ̆t atŭm păng Trong tơlĕch bơ̆jang pơvei jang Hơdai gĭt kăl tôm tơdrong yua kơ tơdrong đei yua atŭm kơ 2 teh đak păng yua kơ tơdrong rơngei, jang hơdai păng hơtŏk tơiung kơjăp tơ̆ tơring păng lơ̆m apŭng plĕnh teh.

Bơngai tang măt Mi pơma hơdăh 1 Việt Nam “pran, hiôk hian, hơnŭk hơnoa, hơdrin kơdih” jĭ 1 tơdrong tơgop ‘lơ̆ng ăn tơdrong rơngei, sơđơ̆ng tơ̆ tơring păng lơ̆m apŭng plĕnh teh păng jing tơdrong mă Mi ling lang tơgŭm. Bơngai tang măt Mi pơma hơdăh dôm anih mơdro sa păng khŭl jang hơdai Mi tôch kơ lăng kăl jang hơdai mŭk drăm - tơmơ̆t jên jang, tĕch mơdro hăm Việt Nam, lơ̆m noh Việt Nam đei lăng ‘noh jĭ 1 lơ̆m dôm teh đak jang hơdai gĭt kăl lơ̆m tĕch mơdro jơ̆p plei teh păng anih tĕch mơdro Việt Nam tŏk bŏk pơih ăn lơ tơdrong hiôk ăn dôm tơmam păng pơvih pơvăn đơ̆ng Mi.