Trong gre kơdâu hrĕnh Bảo Lộc – Liên Khương kơjung vă jê̆ 74km, tơƀưh 2 pơlei tơm Bảo Lộc hăm Đà Lạt, năm klĕch dôm apŭng Bảo Lâm, Di Linh păng Đức Trọng kơ dêh char Lâm Đồng. Lơ̆m hloh 17.700 ti hlak jên akŏm tơmơ̆t jên jang, đei hloh 7.600 ti hlak jên jang teh đak, uơ oei dơ̆ng yua đơ̆ng bơngai tơmơ̆t jên jang hơvơn. Tơdrong jang yua đơ̆ng Kŏng ti Tơmơ̆t jên jang Grŭp jang Phương Trang – FUTA GROUP tang măt khŭl jang hơdai tơmơ̆t jên jang. Pơđĭ trong đei 51 tŏ gơng, lơ̆m noh đei 13 tơ̆ gơng tơ̆ trong tơm, 35 tŏ gơng rok klĕch trong gre kơdâu hrĕnh păng 3 tŏ gơng lơ̆m trong tơƀưh băl.

Tơ̆ tơdrong tơchơ̆t kĭ ăn, ƀok Trần Hồng Thái, Kơdră Anih vei lăng kon pơlei dêh char  Lâm Đồng athei dôm anih jang kơpal, anih jang ƀơm truh đei hơnăp jang pơgơ̆r bơ̆jang kiơ̆, pơtho, jang hơdai, hơlen lăng tơdrong bơ̆jang kiơ̆ tơdrong jang vei sơđơ̆ng ƀlep tơdrong hơgăt khôi luơ̆t. Hơdai hăm, tơtĕnh ming man dôm anih oei hle, pơgơ̆r pơm bơ̆n hla ar hrŭ ‘mong, iŏk teh vă jăh tơlĕch jang tơdrong jang tơ̆ hơnăp kơnh.