Năr 21/9 tơ̆ Seattle, Kơdră chĕp pơgơ̆r teh đak Lương Cường sơng pơma dơnuh hăm Khul nghĭ si ƀang Oregon tơ̆ Hoa Kỳ kơ yuơ Hạ nghĭ si Nguyễn Bá Lộc chĕp kơ̆l, ƀlep lơ̆m jơ ‘năr vang năm ‘Măng pơma dơnuh atŭm Kơdră kơpal Khul chĕp pơgơ̆r Liên Hợp Quốc jăl 80. Kơdră chĕp pơgơ̆r teh đak hơlen Oregon ‘noh hơnih tơm jang khoa hŏk, kmăi kmŏk hơgei, bán dẫn păng ŭnh hơyuh rơgoh ‘lơ̆ng tơm dơnơm kơ teh đak Mi, jĭ hơnih jang hơdoi gĭt kăl kơ Việt Nam lơ̆m jang hơdoi păng tŏk kơjăp ‘lơ̆ng. Việt Nam proh hơmet ăn ‘lơ̆ng pơjing rơvơn ăn hơnih mơdro sa, hơnih pơtho pơhrăm Oregon pơih să jang hơdoi, tơmơ̆t jên jang, chă tơchĕng hơlen tơ̆ Việt Nam; athei hơnơ̆ng tơgŭm djru tơgoăt tơgoăl dih băl, pơtrut kơtang jang hơdoi mŭk drăm-mơdro sa, khoa hŏk-kmăi kmŏk, kmăi kmŏk bán dẫn, pơtho pơjing khul jang hơgei. Kơdră chĕp pơgơ̆r teh đak hơpơi ‘meh vă Mi hrôih drơ̆ng trong jang muk drăm mơdro sa kơ Việt Nam păng ăn Việt Nam lech veh đơ̆ng hơnăn hơlen brĕ tĕch ăn kmăi kmŏk hơgei.