Tơ̆ pơma dơnuh, Kơdră chĕp pơgơ̆r teh đak Lương Cường sơkơ̆t hơdăh, Việt Nam ling lang tơgŭm djru kơtang, tôm tong hăm Lào păng jang đĭ jơhngơ̆m đon atŭm hăm Đảng, Teh đak păng kon pơlei Lào vei kơjăp, pơm hơtŏk păng pơm kơtang hloh dơ̆ng tơgoăt tơgoăl pôm nơ̆r ƀơ̆r đon gĭt kăl Việt Nam - Lào. Kơdră chĕp pơgơ̆r teh đak pơma hơdăh, tơgoăt tơgoăl Việt Nam-Lào jĭ muk drăm gĭt kăl hloh, jĭ hơnih gơnang kơtang ăn tơdrong sơđơ̆ng, atŏk tơ iung păng vang mơ̆t hơdoi kơ ƀar teh đak, adoi jĭ tơdrong joăt sơ̆ ki, jơhngơ̆m pran vă ƀar teh đak hơnơ̆ng vei kơjăp, atŏk tơ iung păng pơtruh hơnơ̆ng ăn jơhnơr ning nai kai ning mônh. Pơma dơnuh găh tơdrong jang hơdoi lơ̆m khei năr kơnh, Kơdră chĕp pơgơ̆r teh đak tơbăt, ƀar păh hơnơ̆ng sơkơ̆t hơdăh tơgoăt tơgoăl gĭt kăl lơ̆m tơgoăt jang hơdoi chinh trĭ jĭ tơdrong tơm, vei kơjăp sơnong pơchoh trong ăn jang hơdoi dih băl.