Iung pơma pơrô̆ Hop akŏm, Kơdră chĕp pơgơ̆r Teh đak Lương Cường athei Quân ủy Trung ương, Hơnih tơm Ƀô̆ đô̆i hơnơ̆ng chĕp pơgơ̆r, pơrô̆ jang kiơ̆ ‘lơ̆ng trong bơ̆ jang pơchoh trong tơm dơnơm hăm Đảng, Teh đak găh tơdrong bơ̆ jang ƀô̆ đô̆i, vei lăng sơlam teh đak. Kơchăng iung yak, hơbĕch hơbal gơh hơgei, đei trong xek tơlang jơnei rim tơdrong đei ƀôh, ưh kơ lê̆ đei ƀôh ưh kơ ê. Adoi hơnơ̆ng tơlĕch jang kiơ̆ kơjăp, jơnei bơ̆ jang teh đak găh vei lăng sơđơ̆ng teh đak tơ̆ rim hơnih jang. Kơdră chĕp pơgơ̆r Teh đak jei athei, Hơnih tơm Ƀô̆ đô̆i vei lăng sơlam teh đak akŏm tơ iung pơjing khul ƀô̆ đô̆i gơ̆h hơgei, nuih mơng, pran kơtang vei lăng kơjăp iăp kơtang rơvơ̆ng plĕnh, tơring đak dơsĭ, tơring sơlam teh đak, găh tơdrong mạng păng tơring kăl hloh.