Kơdră Hơnih jang Nô̆i chĭnh Trung ương năm akŏm pơtơm "Tơdrong jang Quang Trung" tơ̆ Lâm Đồng
Thứ ba, 08:23, 16/12/2025
Lan chih tơblơ̆
Lan chih tơblơ̆
VOV.Bahnar – Pơgê năr 15/12, Kơdră Hơnih jang Nô̆i chĭnh Trung ương Phan Đình Trạc năm akŏm pơtơm "Tơdrong jang Quang Trung" tơ̆ xah Hàm Thuận Bắc, dêh char Lâm Đồng (apŭng Hàm Thuận Bắc, dêh char Bình Thuận so).
Pơm kiơ̆ "Tơdrong jang Quang Trung" hăm pơkăp tenh kuăng, dêh char Lâm Đồng hlôi pơtơm ming man 6 tŏ hnam ăn unh hnam kon pơlei hiong hnam oei kơyuơ 'mi kial đak hơbông pơrăm ah khei 12 tơ̆ xah Hàm Thuận Bắc.
Pơma pơgơ̆r, Ƀĭ thư Tĭnh uy Lâm Đồng Y Thanh Hà Niê Kdăm ră hơdah, tơdrong hơmet ming hnam oei jĭ sơnong jang kăl hloh, tơƀôh tơdrong tơgŭm kăp gĭt đơ̆ng Đảng păng Teh đak. Ƀĭ thư pơgơ̆r hăm dôm hơnih iŏk ming man athei jang tenh kuăng păng tơnăp hloh. Tơchơ̆t tơlĕch adar jat noh ah hơtuch khei 1/2026, athei keh đang tơdrong ming man, vei sơđơ̆ng 'lơ̆ng vă kon pơlei đei hnam 'nao sơng Têt Nguyên đán Bính Ngọ.
Viết bình luận