Kơdră Kuô̆k hô̆i: Rim tơdrong jang hơdrô̆ đei minh hơnih pơgơ̆r jang păng pŭ sơnong truh tôch
Thứ năm, 10:59, 12/11/2026
Lan chih tơblơ̆
Lan chih tơblơ̆
VOV.Bahnar – Kơsơ̆ măng năr 11/11, hăm tơdrong pơgơ̆r đơ̆ng Kơdră Kuô̆k hô̆i Trần Thanh Mẫn, Hơnih juăt jang kơ Kuô̆k hô̆i hlôi pơtoi kơ 'Măng hop mă 8 tơgop nơ̆r gah Tơchơ̆t tơplih, hơmet minh ƀar tơdrong kơ Tơchơ̆t gah sơnong pơgơ̆r jang pơm jang kơ Jơnŭm jang gah Kon pơlei kon kông, rim Hơnih jang kơ Kuô̆k hô̆i; tơgop nơ̆r tơblang, chih akŏm, hơmet hăm chih akŏm Luơ̆t Pơkăp hiôk hian tơ̆ tơring (hơmet tơplih).
Kơdră Kuô̆k hô̆i tơƀôh hơdah: sơnong jang noh tơm, tơdrong jang păng ƀiên chê̆ noh tơdrong jơnei. Ưh gơh iŏk tơdrong kăl kăl ƀiên chê̆ dah mă tơdrong asong bơngai jang vă pơkăp hơmet, pơjao sơnong jang đơ̆ng rim hơnih jang.
Rim tơdrong jang hơdrô̆ đei minh hơnih jang tơm păng pŭ sơnong jang truh tôch, ưh đei hơlơ̆k hơle, ưh đei lê̆ hoh sơnong jang. Ah 'măng hop akŏm ou, Hơnih juăt jang Kuô̆k hô̆i hlôi drơ̆ng nơ̆r hơlen Tơchơ̆t kơsô̆ 71 gah sơnoh pơgơ̆r jang păng pơkăp pơm jang kơ Jơnŭm jang gah Kon pơlei kon kông, rim Hơnih jang kơ Kuô̆k hô̆i.
Viết bình luận