Tơ̆ jơ lêh, tang măt ăn kơdră Đảng, Teh đak, Thủ tướng Lê Minh Hưng hlôi pơjao Mê đai Pơm jang Tăl Mônh ăn Đăi hŏk Kinh tê̆ Kuô̆k dân kơlih hlôi đei tơgop kăp gĭt lơ̆m tơdrong jang hơlen khua hŏk, tơplih kơmăi kơmŏk 'nao păng pơtho bơngai jang gơh hơgei, tơgop kăp gĭt lơ̆m tơdrong hơtŏk mŭk drăm – tơpôl kơ teh đak.

Thủ tướng Lê Minh Hưng bơnê kơ dôm tơdrong tơgop tih tên đơ̆ng Đăi hŏk Kinh tê̆ Kuô̆k dân ăn tơdrong jang pơtho pơhrăm păng hơtŏk mŭk drăm – tơpôl kơ teh đak. Lơ̆m chăl sơnăm jang 'nao, Thủ tướng pơjao ăn hnam trưng akŏm pơtho bơngai jang gơh hơgei, tơplih kơtang pơtho kiơ̆ tơdrong kăl jang kơ teh đak, akŏm kơ̆l 'ngok tơchăr hơgei (AI), kơmăi kơmŏk kơsô̆ păng pơtho gah đon bơnôh 'lơ̆ng lơ̆m pơm jang, kiơ̆ trŏ khôi luơ̆t tơchơ̆t. Ƀơ̆t năr bơngai pơtho Việt Nam truh ou kơnh, Thủ tướng thơ thou hăm bơngai pơtho, rim bơngai jang khua hŏk, kang ƀô̆, bơngai jang atŭm hăm khul sinh viên, bơngai hŏk tơ̆ Đăi hŏk Kinh tê̆ Kuô̆k dân grăng pran ling lang, jơnap păng jang đei jơnei.