Tơ̆ pơma dơnuh, Tổng Bí thư, Kơdră teh đak Tô Lâm păng hơkăn sư hlôi vang tơroi găh lơ tơdrong jang pơgơ̆r joh ayŏ lơ̆m ‘măng năm ngôi kŭm nhen tơdrong lei lăi băl găh jơhngơ̆m đon păng joh ayŏ đơ̆ng 2 teh đak. Tổng Bí thư, Kơdră teh đak Tô Lâm pơma hơdăh 2 teh đak đei lơ tơdrong hiôk pơtrŭt jang hơdai lơ̆m tơdrong jang pơtho pơhrăm, bơngai jang gơh hơgei, pơgang, joh ayŏ, tơmang lăng, choh jang sa tơ̆ hơnăp kơnh.

Ƀlep ƀơ̆t ‘măng âu, Tổng Bí thư, Kơdră teh đak Tô Lâm tang măt Đảng, Teh đak păng kon pơlei Việt Nam hơvơn Ƀok pơtao Na-rư-hi-tô păng Hơkăn ƀok pơtao jăh năm ngôi tơ̆ Việt Nam lơ̆m ‘măng tơbăt 55 sơnăm pơjing pơvei jang tơbôl Việt Nam - Nhật Bản lơ̆m sơnăm 2028; pơma hơdăh ‘măng năm ngôi, bơ̆jang gô jing tơdrong jang gĭt kăl đei kon pơlei 2 teh đak gô chang.