Tơ̆ jơ tơƀâp, Kơdră Quốc hội roi tơbăt dôm tơdrong iŏk đei lơ̆m ‘măng hop akŏm mă 9, Quốc hội jăl XV păng tơblang hơdăh trong tơmât hơdai dêh char, plt ‘nŏh jĭ tơdrong tơchơ̆t tôch gĭt kăl lơ̆m jơhnơr arih, vă kăt tơjur khul bơngai jang, hơtŏk tơdrong đei yoa đơ̆ng vei lăng, pơvih ‘lơ̆ng ƀiơ̆ ăn kon pơlei păng anih tĕch mơdro.

Kơdră Quốc hội athei Cần Thơ hơtŏk tơdrong tơroi tơbăt, tơgŭm ăn kon pơlei băt hơdăh tơdrong kăl đơ̆ng tơmât hơdai. Atŭm hăm ‘nŏh, hơtŏk tơdrong pran ‘lơ̆ng đơ̆ng tơring, tơgŭm băl vă jang tŏk mŭk drăm, tơpôl, pơm hơtŏk tơdrong arih xa ăn kon pơlei. Vă gơ̆h jing teh đak jang xa đei iŏk yoa kơjung păh lăp lơ̆m sơnăm 2030, Cần Thơ athei jang tŏk mŭk drăm đơ̆ng 8% tŏk tơ̆ kơpal hrei ‘nâu păng tŏk truh 2 kơsô̆ đơ̆ng 2026–2030, hơtŏ hăm kơsô̆ jô̆ păh lăp lơ̆m teh đak.