Tơ̆ jơ tơƀâp, Kơdră Quốc hội Trần Thanh Mẫn roi tơbăt ăn bơngai tăh hla dôm tơdrong kăl păng jơnăr vă pơgơ̆r Hop akŏm ‘măng mă 9, Quốc hội jăl 15; dôm trong jang đơ̆ng Đảng găh tơdrong jang kăch mang, kăt tơjur khul bơngai jang tơ̆ rim anih jang chinh trĭ. Hop akŏm vă pơgơ̆r đơ̆ng ‘năr 5/5 - 30/6, hơlen năng hlŏh 30 kơ luơ̆t, 20 tơdrong tơchơ̆t. Lơ̆m noh kăl hlŏh jĭ hơmet ming 8 apăng lơ̆m Khôi luơ̆t tơm sơnăm 2013 vă pơyoa ăn tơdrong hơmet ming, kăt tơjur khul bơngai jang.

Kơdră Quốc hội pơma hơdăh, ‘nâu jĭ 1 tơdrong jang kăch mang vă kăt tơjur khul bơngai jang, tŏ sĕt bơngai, jang rơgei, đei yoa, pơvih ‘lơ̆ng ăn kon pơlei. Adrol kơ ‘nŏh, ƀlep ƀât tơbăt 50 sơnăm năr tơblăh iŏk rơngei tơring pơbăh, pơjing đei 1 teh đak kơjăp ‘lơ̆ng, Kơdră Quốc hội Trần Thanh Mẫn năm ngôi, hơpăh tơmam ăn Mĕ Việt Nam nuih mơng; năm ngôi, hơpăh tơmam ăn 50 unh hnam, bơngai đei kŏng hăm kăch mang tơ̆ plt Vị Thanh, dêh char Hậu Giang./.