Đơ̆ng rŏng kơ mơ̆ng nơ̆r đơ̆ng Anih vei lăng pôk rơih plt Cần Thơ găh tơdrong hơmet ăn pôk rơih păng dôm bơngai jang lơ̆m Khul iung pơma, pơma pơtôch jơ bơ̆ jang, Kơdră Quốc hội Trần Thanh Mẫn tơchĕng ‘lơ̆ng akhan, plt hlôi hơmet tôch ‘lơ̆ng rim tơdrong vă pôk rơih.

Kơdră Quốc hội pơma hơdăh, athei krao akŏm rim anih jang chinh trĭ vă hơmet ăn tơdrong pôk rơih, năng ‘nâu jĭ tơdrong jang tơm athei bơ̆ jang mă ‘lơ̆ng; hơdai hăm ‘nŏh athei hơmet ‘lơ̆ng ăn tơdrong jang tŏk muk drăm, tơpôl lơ̆m jăl khei mă I, hơmet Tết Nguyên đán ăn kon pơlei kiơ̆ nơ̆r pơtho 15 đơ̆ng Ban Bí thư păng tơlĕch tơdrong Tơchơ̆t đơ̆ng Hop akŏm bơngai tang măt lơ̆m teh đak ‘măng mă 14 kơ Đảng.