Pơma pơgơ̆r pơih blŭng ‘măng hop akŏm, Thủ tướng Phạm Minh Chính tơroi rơđăh: Anih tơm Chĭnh trĭ tơlĕch 9 Tơdrong tơchơ̆t tơdrong jang, ‘noh đei đĭ đăng rim tơdrong jang gĭt kăl kơ teh đak nhen: mŭk drăm kơdih, mŭk drăm teh đak, pơgang, pơtho pơhrăm, tơdrong tơchơ̆t, mŭk drăm tơbôl, ŭnh hơyuh, joh ayŏ.

‘Nâu jĭ anih jang chĭnh trĭ gĭt kăl vă tơlĕch jang kiơ̆ 2 tơdrong hơgăt 100 sơnăm. Găh tơlĕch jang Tơdrong tơchơ̆t 79 đơ̆ng Anih tơm Chĭnh trĭ găh hơtŏk tơiung mŭk drăm teh đak, Thủ tướng athei dôm bơngai jang lơ̆m Anih pơgơ̆r jang akŏm ăn tơgop nơ̆r găh hla ar chih Tơdrong tơchơ̆t đơ̆ng Khŭl kơdră teh đak tơlĕch ăn tơdrong bơ̆jang kiơ̆ tơdrong Tơchơ̆t 79 hăm trong jang kăl “Hơdrin ‘lơ̆ng, hơdrin tih, bơ̆jang kơtang” păng klăih song 6 rơđăh “rơđăh bơngai, rơđăh tơdrong, rơđăh trong jang, rơđăh gơh bơ̆jang, rơđăh hơnăp jang păng rơđăh tơmam” vă pơgơ̆r bơ̆jang kiơ̆ đei iŏk yua. Hăm jơhngơ̆m đon vei kơjăp, pơgơ̆r bơ̆jang kiơ̆ vei sơđơ̆ng đei yua, Thủ tướng ‘meh rim bơngai tang măt akŏm đon hơgei, jơhngơ̆m jang, tơgop nơ̆r vă bơ̆jang kiơ̆ ‘lơ̆ng, đei dôm trong jang tơgŭm vă pơgơ̆r bơ̆jang kiơ̆.