Tang măt kơdră chĕp kơ̆l Đảng, Teh đak, Quốc hội, Kơdră Quốc hội Trần Thanh Mẫn gơih truh đe lĭnh jĭ rơka, lĭnh jĭ jăn, ŭnh hnam teh đak tơgŭm, bơngai đei kŏng hăm kach mang nơ̆r thơ thâu pran jăng krăng hơkâu, nơ̆r apĭnh jet gia păng jơhngơ̆m đon ƀlŏk hơdơ̆r gĭt kăl hloh.

Pơma hơdăh truh jơhngơ̆m đon tơgoăt tơgoăl đơ̆ng rŏng tơmơ̆t hơdai 2 dêh char, Kơdră Quốc hội athei dêh char Thái Nguyên athei 1 jơhngơ̆m đon vă vei lăng ăn kon pơlei, pơtrŭt hơtŏk tơiung tơ̆ hơnăp kơnh, hơmet ăn Hop akŏm Đảng bộ tơ̆ xăh, phường jang đang hơdrol kơ ‘năr 31/8/2025, Hop akŏm Đảng bộ tơ̆ dêh char ‘năr 31/10/2025; hơmet ăn pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei rim tơring jăl jang 2026 - 2031.