Sơng Bơngai tang măt ăn teh đak Campuchia Chea Kimtha,  Kơdră Quốc hội Trần Thanh Mẫn păng Bơngai tang măt Chea Kimtha chơt hơiă lăng ƀôh, jang hơdai mŭk drăm hơnơ̆ng jing hơnih hơdăh hăm jên tĕch mơdro 2 pang sơnăm 2025 đei hloh 11 ti USD, tŏk vă jê̆ 12% pơting hăm sơnăm 2024; drơ̆ng nơ̆r akhan teh jang hơdai mŭk drăm đơ̆ng 2 teh đak oei tôch kơ să, kăl hơnơ̆ng tŭn pran jang hơdai tơpă păng đei yua hloh dơ̆ng, hơdrin hơnhăk jên tĕch mơdro 2 teh đak jăh iŏk đei tơdrong hơgăt 20 ti USD nhen Kơdră chĕp kơ̆l 2 teh đak hlôi tơlĕch ăn.

Sơng Bơngai tang măt ăn teh đak Mi Knapper, Kơdră Quốc hội Trần Thanh Mẫn pơma hơdăh Quốc hội Việt Nam ling lang jang hơdai kơjăp hăm Quốc hội Hoa Kỳ vă jang pơkeh trong jang khôi luơ̆t hiôk ăn jang hơdai 2 pang, pơm tơdrong hiôk vă dôm trong jang hơdai đơ̆ng 2 teh đak đei tơlĕch jang jơnei, kơjăp.