Đơ̆ng rŏng kơ lêh sơng, Kơdră teh đak bơ̆n Lương Cường păng Kơdră Hơnih jang châu Âu António Costa pơtơm pơma đam. Tơ̆ pơma đam, Kơdră teh đak bơ̆n Lương Cường ăn tơbăt: Tơbôl Việt Nam - EU tŏk bŏk oei hơtŏk 'lơ̆ng hơ-iă tôm tơdrong. Đon lui gah chinh trĭ đei hơtŏk hăm EU păng dôm teh đak vang jang. Mŭk drăm – tĕch pơdro – asong jang jing jơhngơ̆m pran hơtŏk tơ-iung tơm kơ tơdrong tơbôl.

Jang hơdoi lơ̆m dôm tơdrong jang đei hơtŏk lang să, mă kăl gah jang hơdoi khua hŏk, kơmăi kơmŏk 'nao păng tơplih 'nao gơh hơgei, hlôi păng tŏk bŏk jing minh tơdrong jang hơdoi 'nao, kăp gĭt đơ̆ng Việt Nam hăm  EU păng rim teh đak vang jang. Gah kơdih po, Kơdră Hơnih jang châu Âu António Costa ăn tơbăt, Việt Nam păng EU jing dôm teh đak đei atŭm đon tơchĕng pơm jang lơ̆m tơdrong tơgĭt pơkăp jang lơ teh đak, pơkăp sơđơ̆ng apŭng plenh teh kiơ̆ tơchơ̆t hlôi đei gah mŭk drăm, tĕch pơdro hiôk hian păng hơtŏk tơ-iung gơnơm lơ̆m dôm tơdrong pơkăp ou.