Kơdră teh đak thơ thou hơ-iă hăm Ƀok Kơdră tang măt Marc Knapper keh đang tơnăp jăl jang hăm lơ tơdrong jơnei kăp gĭt, atŭm hăm noh tơroi dơ̆ng gah tơdrong hơtŏk tơ-iung 'nao lơ̆m tơbôl Việt Nam – Hoa Kỳ lơ̆m khei năr truh, mă kăl noh tơdrong 2 teh đak hơtŏk Jang hơdoi tôm tơdrong – kơnao jang hơdoi kơjung hloh lơ̆m pơkăp jang tơbôl kơ Việt Nam.

Kơdră teh đak bơnê kơ dôm tơdrong kăp gĭt mă Ƀok Kơdră tang măt Marc Knapper tơgop ăn tơdrong hơtŏk jang tơbôl 2 pah hơtŏk tơ-iung tơnăp, kơjăp păng tơgĭt tơdrong rơngei, pơgơ̆r kơdih tôm tơring teh păng tơdrong jang chinh trĭ hăm kơdih băl, pơyua kăp gĭt ăn kon pơlei 2 teh đak.