Kơdră teh đak Lương Cường asong Mê đai Nuih mơng hơpăh ăn 2 ‘nu kon pơlei Lý Sơn dŏng bơngai lơ̆m ‘mi kial hơbŭt
Thứ năm, 10:37, 11/12/2025
VOV/Thuem tơblơ̆
VOV/Thuem tơblơ̆
VOV.Bahnar - Kơdră teh đak Lương Cường ‘nao kĭ Tơchơ̆t asong mê đai Nuih mơng hơpăh ăn 2 ‘nu kon pơlei tơ̆ tơring gĭt kăl Lý Sơn, dêh char Quảng Ngãi, yua kơ bơ̆jang hiơ̆t kơdih dŏng bơngai lơ̆m ‘măng ‘mi kial hơbŭt kơsô̆ 13.
Kiơ̆ tơdrong Tơchơ̆t, mê đai Nuih mơng đei pơjao ăn kơ ‘nhŏng Phan Duy Quang, kon pơlei plei Tây Vĩnh An păng ‘nhŏng Lê Văn Sanh, kon pơlei plei Tây An Hải (tơring gĭt kăl Lý Sơn).
Pơđĭ 2 ‘nu hlôi ưh kơ hli krê hơmơt, tơtom dŏng bơngai lơ̆m tơdrong tôch kơ krê hơmơt ƀơ̆t ‘mi kial hơbŭt kơsô̆ 13 tak truh. Tơdrong tơchơt đei iŏk yua đơ̆ng năr kĭ. Thủ tướng teh đak, Kơdră vei lăng Hơnih pơvih ăn Kơdră teh đak păng dôm bơngai đei pôk hơpăh pŭ hơnăp jang bơ̆jang kiơ̆.
Viết bình luận