Tơ̆ hop akŏm, bơngai tăh hla lui ngeh păng drơ̆ng lăp ‘lơ̆ng hăm roi tơƀôh ƀok Lê Hoài Trung lĕch pơjei pơm bơngai tang măt Quốc hội jăl XVI păng hơmĕng tơdăh đei pôk pơm bơngai tang măt Quốc hội, sư gô hơnơ̆ng hơtŏk đon hơgei, hlôh vao, jang tơnăp, vang jang ‘lơ̆ng, đei yua lơ̆m dôm tơdrong jang kơ Quốc hội, tơdrong jang pơjing păng vei lăng Teh đak, tơgăl jing bơngai tang măt ăn đon hơdrin, hơ pơi ‘meh vă đơ̆ng bơngai tăh hla păng Kon pơlei.

Pơma tơ̆ hop akŏm, Kơdră tơm Lê Hoài Trung pơma hơdăh, tơdăh đei pôk pơm bơngai tang măt Quốc hội gô hơnơ̆ng hơtŏk jơhngơ̆m đon jang tơnăp ‘lơ̆ng hloh, bơ̆jang kiơ̆ ‘lơ̆ng hơnăp jang đơ̆ng bơngai tang măt kon pơlei pôk; lăng kăl tơƀơ̆p, pơma dơnuh hăm bơngai tăh hla; răp mơ̆ng dôm nơ̆r tơgop, tơchĕng, ‘meh vă đơ̆ng bơngai tăh hla vă apĭnh hăm anih jang gơh kĭ ăn găh dôm tơdrong ‘meh vă mă bơngai tăh hla răp gô. Đĭ đăng bơngai tăh hla tơ̆ Hop akŏm hlôi yơ̆r ti pơdrơ̆ng kiơ̆ roi tơƀôh ƀok Lê Hoài Trung vang lĕch pơjei bơngai tang măt Quốc hội jăl XVI.