Chih iŏk tơ̆ lơ tơring ăn ƀôh, kon pơlei, mă loi ‘noh jĭ bơngai kon kông, tôch kơ lăp đon, tơgŭm păng hơmĕng lơ̆m tơdrong tơplih ‘nao đơ̆ng rŏng tơmơ̆t hơdai. Ƀok Y Rul Niê oei tơ̆ plei Pốt A, apŭng Cư M’gar tơroi: “mă đơ̆ng năm vih vơ̆t mơmat tat ƀiơ̆ ră, mă lei kang ƀô̆ athei đei jang gơh, hơdrin ‘noh gô jơnei”.

Ưh khan lăp hơmĕng tơ̆ xăh, lơ kon pơlei  oei lui ngeh tơdrong tơmơ̆t hơdai gô pơm tơdrong ‘lơ̆ng hơtŏk tơiung lơ tơring. ‘Nhŏng Huỳnh Trần Minh Đức (pơlei tơm Buôn Ma Thuột) hơlen lăng: ‘Tơdăh Đắk Lắk tơmơ̆t hơdai hăm Phú Yên, mŭk drăm đak dơsĭ hơdai hăm choh jang sa Tây Nguyên gô pơm jing tơring pran kơtang, pơtrŭt tĕch mơdro hơdai, logistics”. Tơdrong proh hơmet, tơmơ̆t hơdai ‘noh jĭ hơyak năm gĭt kăl tŏ sĕt bơngai, đei yua khŭl bơ̆jang. Tơdrong drơ̆ng lăp păng đon lui đơ̆ng kon pơlei ‘noh jĭ tơdrong ‘lơ̆ng tih tơgŭm khŭl kơdră tơlĕch jang jơnei trong jang âu, tơgop hơtŏk tơiung kơjăp teh đak.