Hơdrol kơ ‘noh, ƀok Y Diêm Hlong (rơneh sơnăm 1980, oei lơ̆m ƀuôn Knac, tơring Dak Liêng) ƀôh mĭnh tŏ pơnhoăl jrok trong mơ̆t lơ̆m pơgar hnam sư. Băt hơdăh ‘nou jĭ sem bri brăh gĭt kăl hui kơ đei kăl vei lăng năng tông, ƀok Y Diêm hlôi chĕp ba pơnhoăl ou năm ba ăn Kŏng ang tơring. Pơnhoăl Java trăp dang 2 kĭ 2, pran jăng. Kŏng ang tơring Dak Liêng hlôi iung jang hơdoi hăm Hơnih vei lăng bri tơring Lăk, Hơnih vei lăng kon pơlei tơring păng Hơnih jang pơvang vei lăng kon tơrong tơring Lăk pơm hla bơar sơng iŏk păng hơchăng pơnhoăl mơ̆t lơ̆m bri kiơ̆ tơdrong tơchơ̆t. Tơdrong năm ba ăn kon sem bri brăh tơƀôh hơdăh jơhngơ̆m đon băt vei lăng năng tông xem bri brăh đơ̆ng kon pơlei lơ̆m tơring roi năr roi atŏk ‘lơ̆ng hloh dơ̆ng.