Lâm Đồng athei tŭn hrĕnh tơdrong jang pơm trong gre kơdâu hrĕnh Bảo Lộc – Liên Khương
Thứ năm, 14:14, 29/01/2026
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV.Bahnar- Anih vei lăng kon pơlei dêh char Lâm Đồng ‘nao tơlĕch nơ̆r roi tơbăt athei rim anih jang păng anih tơmơ̆t jên jang tơ tĕnh tŭn hrĕnh tơdrong jang pơm trong gre kơdâu hrĕnh Bảo Lộc – Liên Khương yua đơ̆ng tơdrong jang hơmet ăn tơmơ̆t jên jang hiơ̆ pơting hăm trong tơlĕch jang.
Kiơ̆ kơ hơlen lăng, đơ̆ng khei 6/2025 truh dang ei, bơngai tơmơ̆t jên jang ‘nao jang đei dang 20% tơdrong jang hrip phă ƀôm mĭn, tơmam đôh păng pơm hơmet ki thuơ̆t, hla ar chih hơmet ki thuơ̆t, hla ar chhơ̆ iŏk jang tam mă jang đang kiơ̆ athei; pơgơ̆r khŭl bơ̆jang, bơngai jang hiơ̆ kơ tôm, ưh kơ chăng jang hơdai hăm tơring.
Anih vei lăng kon pơlei dêh char athei anih tơmơ̆t jên jang jăh hơmet tôm khŭl bơ̆jang, hơmet ăn anih pơvih vei lăng tơdrong jang tơ̆ tơring Đà Lạt păng dôm anih pơvih tơ̆ hơnih pơm; pơjing trong tơlĕch jang, bơ̆jang hơdăh, băt rơđăh hơnăp jang tơm lơ̆m khei 1/2026, hơdai hăm ‘noh jang hơdai rim tơring dăr hơlen, tơgŭm hơdrol pơjao teh pơyua ăn iŏk jang.
Viết bình luận