Dêh char Lâm Đồng đơ̆ng rŏng kơ tơmât hơdai jing tơring đei lơ tơdrong ‘lơ̆ng vă jang tŏk đơ̆ng groi kông – thŭng thong – truh tơring tơhnă tơter đak dơsĭ, hăm teh xă hlŏh 24.000km², akŏm tôm tơdrong ‘lơ̆ng găh teh, tơmam bri brăh, unh hơyuh rơgoh, mŭk drăm đơ̆ng bri, mŭk drăm đơ̆ng đak dơsĭ păng choh jang xa hăm kơmăy kơmok ‘nao. Lơ̆m noh, Groi kông Di Linh đei ƀât tŏk bŏk, pơdui đơ̆ng krang Bảo Lộc truh ƀât jơ̆ng krang Prenn, tôch gĭt kăl tơƀưh dôm tơring jang tŏk pran kơ dêh char.

Tơ̆ hop akŏm, dôm bơngai tang măt pơre lơ ƀai tơblang, pơma nuh tôch hơlen găh trong jang gĭt kăl vă atŏk tơiung Groi kông Di Linh, dêh char Lâm Đồng; pơm hơdăh dôm tơdrong kăl đơ̆ng khoa hŏk păng tơ̆ yăn âu; tơlĕch trong jang tŏk mă lăp; atŭm hăm ‘nŏh đei nơ̆r apinh tơlĕch dôm tơdrong tơgŭm mă tơgăl, tôch tơtom vă hơmet pơ ‘lơ̆ng dôm tơdrong oei găn trong, tơhlăk tăk, pơjing jơhngâm pran ‘nao vă jang atŏk tơiung tơring teh âu./.