Tơ̆ hop akŏm, Anih tơm pơgơ̆r khŭl lĭnh dêh char hlôi roi tơbăt dôm tơdrong tơchơ̆t đơ̆ng Kơdră Anih tơm vei lăng Khŭl lĭnh păng Anih tơm Jang tơgŭm găh tơdrong pơgơ̆r dơ̆ng, tơlĕch ăn trong pơgơ̆r, ƀiên chê̆ Khŭl pơgơ̆r khŭl lĭnh tơ̆ xăh; hơdai hăm pơtruh, pôk hơtŏk 124 sĩ quan pơm Kơdră Khŭl pơgơ̆r khŭl lĭnh kơ 124 xăh, phường, tơring gĭt kăl păng vă jê̆ 500 sĩ quan, quân nhân pơm dôm kơchư̆k Phŏ kơdră pơgơ̆r, Phŏ jang Chĭnh trĭ, jang tơgŭm, bơngai jang lơ̆m khŭl lĭnh.

Tơdrong hơmet ming pơgơ̆r, ƀiên chê̆ ‘noh ‘meh vă kăl lơ̆m kơplăh tơlĕch jang tơdrong jang khŭl kơdră chĕp kơ̆l tơring 2 tăl, vă pơjing khŭl lĭnh bơ̆jang tŏ sĕt bơngai, đei yua, hơgei, tơ jê̆ hăm tơring. Hơdai hăm athei khŭl kang ƀô̆ đei pôk hơtŏk tơtĕnh sơđơ̆ng khŭl jang, kơchăng jang tơgŭm, tơgop vei kơjăp teh đak - sơđơ̆ng tơring.