Tơ̆ hơnih pơlei ‘nao đei pơjing thôn K’Nớ 5, tơring Đam Rông 4, lơ teh hơđang kơtang tơ̆ jơ̆ng kông tăp dăr pơlei, pơm pơjoă kơtang truh hloh 60 ŭnh hnam kon pơlei. Tơ̆ jăl trong gre 28, trong găn hloh trong hông hang krang nak Gia Bắc, kơhrĕng met khô̆i teh tơmo tơdrŭt hơlih klơ̆p trong, pơm tơhlăk tơhlĭn trong nơnăm. Tơ̆ hơnăp ‘mi kial chrih chrĕng, rim hơnih jang tŏk bŏk tĕnh koăng iung jang dăr lăng rim bro hơmơt đei teh tơdrut hơlih kơtang, iung jang kơtang dăr lăng hơlen ‘mi kial hơbŭt hơbông, bơ̆ jang vei lăng dơnou đak ‘lơ̆ng păng proh hơmet khul jang, gre kmăi kmŏk kiơ̆ trong jang  “4 kơtă”. Khul kơdră tơring jei hơtơ̆p kơtang tơbăt, vat bro hli hlơt, tơ iung pơjing trong jang yông kon pơlei păng tơlĕch iung jang ming man jih nak kơjăp, tang găn teh tơdrŭt hơlih vă pơm dă ƀiơ̆ hiong răm găh bơngai păng muk drăm kon pơlei.