Dêh char Lâm Đồng đei teh să hloh lơ̆m teh đak hăm hloh 24.200km2, ‘meh vă tơƀưh trong nơnăm lơ̆m jăl jang hơtŏk tơiung ‘nao tôch kơ kăl. Hơdai hăm pơm hơmet ming dôm jăl trong lơ̆m dêh char, trong gre tih, trong gre treng, cham gre păr, lơ̆m sơnăm 2025 dêh char hlôi tơlĕch jang lơ tơdrong jang pơm trong gre kơdâu hrĕnh tơƀưh đơ̆ng Đà Lạt păng đơ̆ng Gia Nghĩa truh pơlei tơm Hồ Chí Minh, dôm jăl trong tih năm tơ̆ 3 tơring tơm: Đà Lạt, Gia Nghĩa păng Phan Thiết. 

Tơdrong tôch kơ hiă ‘noh jĭ khŭl kơdră păng kon pơlei Lâm Đồng tă kơ mĭnh jơhngơ̆m đon vang jang kiơ̆ hơpơi ‘meh trong tih să hơtŏk tơiung. Nhen tơ̆ xăh Phúc Thọ Lâm Hà, đơ̆ng kơ nhŏng hla kơ blŭng ‘noh jĭ dôm đảng viên Chi bộ plei Tân Hợp, vă jê̆ 100 ŭnh hnam kon pơlei lơ̆m pơlei drơ̆ng lăp plang song vă jê̆ 23.000m2 teh tŏk bŏk pơtăm cheh phe vă khŭl kơdră pơih trong gre 28 hăm trong gre 725.