Dang ei dôm KOL, bơngai pơm tơlĕch nô̆i yung, vei hơlen dôm jơnŭm jang lơ̆m mang tơpôl... tơ̆ dêh char Lâm Đồng, tŏk bŏk oei jang tơnăp lơ tơdrong jang nhen tơmang pơhiơ̆, tơmam drăm xa, joh ayŏ, tĕch răt tơmam choh pơtăm... hăm dôm jĭt triu bơngai hơlen lăng. 'Nou jĭ dôm bơngai kăp gĭt tơgop pơlan să, tơroi tơbăt kiơ̆ pơkăp kơmăi kơsô̆, tơrĕk kơtă truh tơdrong vei sơđơ̆ng lơ̆m tơdrong jang mạng tơ̆ tơring. Hop akŏm 'măn lơ jơ tơroi tơbăt gah khôi luơ̆t teh đak hăm tơdrong vei sơđơ̆ng mạng, vei sơđơ̆ng dư lĭu tơ-'ngla, atŭm hăm noh tơroh hơtŏk sơnong jang kơ KOL păng bơngai jang lơ̆m tơroi tơbăt kăp gĭt, 'lơ̆ng sơđơ̆ng.

Tơgŭm ăn rim bơngai pơgơ̆r kơtơ̆ng ang lơ̆m mang băt hơdah khôi luơ̆t kăl, vei sơđơ̆ng tơdrong kăl tơroi tơbăt trŏ hăm khôi luơ̆t teh đak. Ƀơ̆t 'măng ou, Kŏng ang dêh char Lâm Đồng pơtơm tơdrong jang "tơdrong jang kơmăi kơsô̆ Lâm Đồng sơđơ̆ng 'lơ̆ng", jĭ tơdrong hop akŏm kơmăi kơsô̆ tơroh rim jơnŭm jang KOL, bơngai jang nai hăm khul kŏng ang, rim anih jang kơpal kơ teh đak păng anih jang mŭk drăm, hơyak truh tơdrong hơtŏk tơ-iung kơ dêh char Lâm Đồng lơ̆m chăl anglŏ sơnăm kơmăi kơsô̆.