Hơnih asong kơdou rok kiơ̆ trong hơ̆ng noh lơ̆m tơring teh phương  Xuân Trường – Đà Lạt, hơnih đei teh hơlih tih ah kơmăng năr 28/10. Tơdrong ma ưou pơm dôm jĭ rơbou met khô̆i teh tơmo đơ̆ng taluy trong huăng, atŭm hăm noh đei tơdrong tơblơ̆r jroh să pơhlom 3.500 m² pơm hli hlơt ăn kon bơngai păng gre vih vơ̆t, dêh char Lâm Đồng athei tơchơ̆t kơ̆m vih vơ̆t vă hơmet ming.

Hăm gre chơ tơmam trăp kơpal kơ 5 tơ̆n păng gre chơ bơngai đơ̆ng 16 hơnih oei tŏk tơ̆ kơpal, gre ou to athei kơchăng chă trong vih vơ̆t: đơ̆ng phương Xuân Trường – Đà Lạt năm truh trong hơ̆ng Mimosa dah mă Prenn năm tơ̆ jăl trong 20. Hơnih jang kơpal adoi tơroi hăm kon pơlei nĕ chă vih vơ̆t ah kơmăng, mă kăl noh ah jơ 'mi tih dah mă hơnguă; athei pơm kiơ̆ tơdrong pơtho rok trong lơ̆m khei năr hơnih jang oei ming hơmet jăl trong hơlih răm.