Dang ei dêh char Lâm Đồng đei 34 tơring pơkăp bauxit hăm teh să hloh  240.000 ha, đei jê̆ 10% hơgăt teh lơ̆m tơring; atŭm hăm 17 tơring nai pơkăp titan hloh 15.000 ha. Tơlĕch pơkăp tih să, mă kăl noh hăm bauxit hlôi pơm dôm jĭt rơbou ha teh choh jang păng teh pơm hnam kơ kon pơlei oei lơ̆m tơring ou.

Đơ̆ng chă hơlen, Lâm Đồng tơlĕch tơchơ̆t pơkăp lĕch đơ̆ng tơring hloh 55.000 ha, đei lơ tơring kon pơlei hơrih xa sơđơ̆ng, dôm jăl trong dơnơm păng dôm hơnih kăp gĭt ưh đei oei lơ̆m hơnih tơmo kăp gĭt ou kiơ̆ tơdrong hơlen pơkăp 'nao. Tơdrong hơmet ou jĭ kăp gĭt, vă vei sơđơ̆ng tơdrong pơyua ăn kon pơlei, păng ưh đei răm truh tơchơ̆t hơvơn asong jang sir kôch tơmo kăp gĭt.