Lơ̆m tơdrong kŭp yom, rim bơngai tang măt păng kon pơlei hlôi soh plang nhang, 'măn minh pơnĭt ƀlŏk hơdơ̆r kơ đe linh lôch tang, đe yă ƀok jang kăch mang hlôi lôch plang kơyuơ tơdrong rơngei hiôk hian ăn teh đak. 'Nou adoi jĭ 'măng vă pơtho gah đon bơnôh băt 'mêm kơ teh đak, kơ kăch mạng ăn kon sou hrei ou, hơtŏk đon lui păng sơnong jang hăm tơdrong jang tơ-iung pơjing păng vei lăng teh đak.

Vang năm akŏm Lêh pôk bơnê, ƀok Lê Chí Quyết, sơ̆ jang Phŏ Kơdră Hơnih jang vei lăng Hơnih linh dêh char Đăk Lăk, sơ̆ jang Phŏ Ƀĭ thư Tĭnh uy Đăk Lăk, ƀrơ̆k kơ jơhngơ̆m tơroi, tơdrong pơgơ̆r Lêh ƀlŏk tơbăt trŏ ah 'măng Hop akŏm mă 14 kơ Đảng tŏk bŏk đei pơgơ̆r roi pơm hơdah hloh tơdrong kăp gĭt juăt jue kơ kăch mạng, hơtŏk đon lui ăn kang ƀô̆, đảng viên păng kon pơlei hăm tơdrong pơgơ̆r jang đơ̆ng Đảng.