Pơma tơ̆ ‘măng hop akŏm, Thủ tướng Phạm Minh Chính pơma hơdăh jơnei iŏk đei lơ̆m sut hnam pơgia, hnam hiah hiok, “Tơdrong jang hrĕnh” lơ̆m dang 1 sơnăm 4 khei hlôi hơvơn jang đang sut hloh 334 rơbâu tŏ hnam pơgia, hnam hiah hiok lơ̆m teh đak, tơplih jing dôm hnam ‘nao ‘lơ̆ng. Hăm hnam oei tơpôl, Thủ tướng pơma hơdăh dôm jơnei tôch kơ hơiă ƀơ̆t tơdrong hơgăt tơlĕch ăn lơ̆m sơnăm 2025 ‘noh jĭ pơm đang 100 rơbâu tŏ hnam oei tơpôl, truh dang ei đĭ jang đei păng yak hloh tơdrong hơgăt.

Hăm jang hrĕnh âu, Thủ tướng lui ngeh hiơ̆ hloh sơnăm 2028 pơm đang 1 triệu tŏ hnam oei tơpôl. Thủ tướng athei hơtŏk tơiung tơdrong tĕch mơdro teh, hnam ‘lơ̆ng, sơđơ̆ng; pơm lơ jên ăn găh teh, hnam ‘moi kiơ̆ anih mong jên, trái phiếu, jang hơdai teh đak - kơdih.... Jơhngơ̆m đon hơdai ‘lơ̆ng, vei đei sơđơ̆ng hai găh kơjă, jên cheh mă lei vei lăng hơtŏk kơjă lơ; vei lăng kơjă teh, hnam; hơdai hăm pơjing hơnih pơm hla ar tech mơdro teh, hnam, hơmet pơ ‘lơ̆ng tơdrong oei đei găh teh, hnam.