Pơma pơgơ̆r pơih blŭng, Thủ tướng Lê Minh Hưng athei hơmet pơ ‘lơ̆ng tơdrong tơhlăk trong jang, tơdrong tơgŭm, lơ̆m noh băt hơdăh dôm tơdrong tơhlăk kăl kơ hơmet pơ ‘lơ̆ng vă pơm kơđeh khei ‘năr đơ̆ng tơdrong tơchĕng hơlen truh mưh đei tơmam păng roi tơƀôh tĕch mơdro. Mă loi ‘noh găh trong jang tơgŭm jên hu tŏk pran, hơdrô̆ ăn hơtŏk tơiung khoa hŏk kơmăy kơmŏk păng tơplih ‘nao hơgei.

Hơdai hăm ‘noh hơtŏk loi dơ̆ng dôm trong jang, tơdrong tơgŭm hơdăh vă hơmet pơ ‘lơ̆ng tơdrong tơhlăk lơ̆m tơdrong jang vei lăng, iŏk jang păng tơgŭm băl anih jang pơlong lăng; pơtrŭt anih mơdro sa pơjing kơdih vang tơmơ̆t jên jang, bơ̆jang, iŏk jang anih tơchĕng hơlen păng tĕch mơdro ‘lơ̆ng dôm tơmam kơmăy kơmŏk gĭt kăl, mă loi ‘noh jĭ tơ̆ dôm tơdrong jang đei vă tơlĕch hrôih.