Tơdrong vă jang trong gre rĕnh Chí Thạnh – Vân Phong đei kon jên tơmơ̆t jang vă jê̆ 11.000 ti hlak jên, kơ yuơ Hơnih vei lăng tơdrong vă jang 7 pơm tơ-‘ngla tơmơ̆t jên jang. Tơdrong jang ou đei trong hơtăih 48 km, kơ̆l trong tơƀưh hăm Trong gre rĕnh Quy Nhơn - Chí Thạnh; trong hơtuch tơƀưh hăm Trong glung 1 (tơring Hòa Xuân), tơƀưh hăm trong năm tơ̆ găh Tu trong trôm Đèo Cả păng trong gre rĕnh Vân Phong - Nha Trang. Hơnih ming man tŏk bŏk lơ̆m jơ ‘năr iung jang kơtang, rim năr rim tơ-‘ngla iŏk jang hlôi ăn mơjĭt gre kmăi kmŏk atŭm hăm kơhrĕng kŏng nhân, kih sư iung jang ming man. Tơdrong jang ou tơchĕng hơlou ming man keh đang lơ̆m năr 10/2 kơnh (hơdrol kơ năr Têt Nguyên đán Bính Ngọ), vă kơ kuh chơt hơ iă Hop akom tih ‘măng mă XIV kơ Đảng; adoi tơgop lơ̆m jang keh đang trong gre rĕnh Tu-Pơbăh, pơjing jơhngơ̆m pran pơtrŭt kơtang tơƀưh dih băl mơdro sa hiôk hian păng atok tơ iung mŭk drăm-tơpôl dêh char Dak Lăk.