Sơng iŏk nơ̆r krao hơpơi đơ̆ng Tổng Bí thư Khul kơdră chĕp kơ̆l Trung ương Đảng Cộng sản Việt Nam Tô Lâm păng hơkăn ƀok, năr ‘nâu (26/1), Tổng Bí thư Khul kơdră chĕp kơ̆l Trung ương Đảng Kon pơlei kăch mang Lào, Kơdră teh đak Cộng hòa Dân chủ Nhân dân Lào Thongloun Sisoulith păng hơkăn ƀok pơtơm năm ngôi, bơ̆ jang tơ̆ Việt Nam, truh ‘năr 27/1.

Tơdrong Tổng Bí thư, Kơdră  teh đak Lào rơih Việt Nam pơm anih blŭng a đơ̆ng rŏng kơ Hop akŏm bơngai tang măt ‘măng mă XII kơ Đảng Kon pơlei Kăch mang Lào tơƀôh hơdăh Lào ling lang năng kăl păng pơ ‘nhŏ hơdrol ăn tơdrong pơvei hăm Việt Nam lơ̆m trong jang tơbôl. ‘Măng năm ngôi vă truh hơiă ăn tơdrong jơnei đơ̆ng Hop akŏm lơ̆m teh đak ‘măng mă XIV kơ Đảng Cộng sản Việt Nam, atŭm hăm ‘nŏh tơƀôh hơdăh đon lui tôch pơneh găh chinh trĭ păng nơ̆r pơkăp đunh đai  đơ̆ng 2 Đảng, 2 teh đak păng kon pơlei 2 teh đak tơ̆ hơnăp kơnh.