Pơjao Mê đai pơm jang hơgei tăl Pêng ăn Trung đoàn 375 păng iung pơma ah lêh tơbăt, Phŏ Kơdră teh đak bơ̆n Võ Thị Ánh Xuân thơ thou hơ-iă păng pôk bơnê kơ tơdrong hơdrin kơ-'nôh jang đei jơnei kăp gĭt mă lơ jơhnơr đe kơdră kơpal, kang ƀô̆, khul linh Trung đoàn 375 – Anih tơm Kanh sat vei lăng tơpôl hlôi jang đei lơ̆m khei năr ou ki.

Phŏ Kơdră teh đak ră hơdah, sơnăm 2025 jĭ sơnăm kơ jăl jang hơtuch luch, kăp gĭt hloh; jĭ sơnăm tơbăt kơ dôm năr lêh tih kơ teh đak; pơgơ̆r hop akŏm đảng ƀô̆ dôm jăl pơkăp truh Hop akŏm 'măng mă 14 kơ  Đảng; khŏm mă pơkăp jơnŭm pơgơ̆r jang păng tơdrong jang hanh chĭn, lơ̆m noh đei jơnŭm pơgơ̆r khul Kŏng an kon pơlei kiơ̆ pơkăp bot 'lơ̆ng, pơm jang đei jơnei tơnăp.