Pơma tơ̆ âu, Phŏ Kơdră teh đak Võ Thị Ánh Xuân akhan, lơ̆m dôm sơnăm âu ki, mă loi lơ̆m sơnăm 2025, hăm tơdrong chĕp kơ̆l đơ̆ng Đảng, teh đak bơn bơ̆ jang đei lơ tơdrong tôch gĭt kăl, pơih trong hơnhăk teh đak bơ̆n yak mât lơ̆m chăl ‘nao – chăl hơnŭk hơnoa, hiôk chơt. Atŭm hăm ‘nŏh, athei tơjră hăm tơdrong jĭ jăn, tŏ ‘mi kial kơnê̆, ‘mi kial hơbŭt hơnơ̆ng tơ̆ lơ tơring lơ̆m teh đak, ƀơm kơnê̆ truh tơdrong arih xa kơ lơ kon pơlei, mă loi jĭ dôm bơngai ưh pun ai, lơ̆m noh đei đe hơioh.

Kơplăh ‘noh, Đảng, teh đak hlôi tơlĕch lơ trong jang, tơdrong tơgŭm kŭm hăm tơpôl ‘măn jên, tơmam vang tơgŭm tơtom ăn kon pơlei, mă loi jĭ hăm đe hơioh, ưh đei lê̆ bu jing pơtat tat tôch dêh lơ̆m tơdrong arih xa. Tơ̆ tơdrong jang “Pơyan Puih mak ăn oh” ‘măng mă 19, Anih mong jên tơgŭm ăn hơioh Việt Nam sơng iŏk hlŏh 116 ti hlak jên đơ̆ng vă jê̆ 60 anih jang, lơ bơngai ‘măn ăn đe hơioh đei tơdrong arih xa tôch pơmat tat lơ̆m sơnăm 2026.