Phŏ Thủ tướng Lê Thành Long sơng Kơdră jang tang măt ăn teh đak Anh tơ̆ Việt Nam Iain Frew
Thứ sáu, 14:19, 08/08/2025
Lan chih tơblơ̆
Lan chih tơblơ̆
VOV.Bahnar – Kơsơ̆ 'năr brei (7/8), tơ̆ anih jang kơ Jơnŭm pơgơ̆r teh đak, Phŏ Thủ tướng Lê Thành Long hlôi sơng Kơdră jang tang măt ăn teh đak Anh tơ̆ Việt Nam Iain Frew, atŭm hăm bơngai tang măt ăn Đăi hŏk Southampton, minh lơ̆m 100 đăi hŏk gơh hơgei lơ̆m apŭng plenh teh păng Anih jang pơtho pơhrăm apŭng plenh teh Navitas.
Tơ̆ jơ sơng Kơdră jang tang măt ăn teh đak Anh, Phŏ Thủ tướng Lê Thành Long ăn tơbăt Việt Nam hơnơ̆ng lăng tơgĭt hơtŏk Jang tơbôl Việt Nam – teh đak Anh, lơ̆m noh jang hơdoi gah pơtho pơhrăm jing sơnong jang kăp gĭt hloh. Việt Nam adoi hơvơn đăi hŏk apŭng plenh teh, pơjing anih tang măt pơtho pơhrăm, pơkăp truh sơnăm 2030 đei truh ƀar anih tang măt pơtho pơhrăm kơ dôm hnam trưng gơh hơgei lơ̆m apŭng plenh teh.
Kơdră jang tang măt Iain Frew ră hơdah: Pơtho pơhrăm jing tơdrong tơm jang hơdoi ƀar pah, hăm 12.000 sinh viên Việt Nam tŏk bŏk oei hŏk pơhrăm tơ̆ Anh, atŭm hăm noh tơchơ̆t pơtoi tơgŭm Việt Nam hơtŏk bơngai jang gơh hơgei.
Viết bình luận