‘Măng năm bơ̆ jang pơdui đunh truh ‘năr 11/6 hăm lơ tơdrong jang tơbôl gĭt kăl vă hơtŏk tơdrong pơvei, jang hơdoi đơ̆ng Việt Nam păng Nhật Bản. Tơchĕng adrol, Phó Thủ tướng vă tơƀâp Kơdră tơm jang tư phap Nhật Bản, Kơdră Khul tơlĕch trong jang tơbôl kơ kon pơlei Nhật Bản; truh tơƀâp kơdră chĕp kơ̆l Khul kơdră teh đak păng Kơdră Hạ viện Nhật Bản.

Phó Thủ tướng kŭm đei dôm ‘măng bơ̆ jang hăm Anih jang hơdoi kơ apŭng plenh teh Nhật Bản, Anih tơm vei lăng pơtho pơhrăm, Anih jŏh ayŏ kơ dŏ xoang, tơplŏng kơdâu, Khoa hŏk kơmăy kơmŏk Nhật Bản, kơdră chĕp kơ̆l dêh char Gunma, Khul ngĭ si jang tơbôl Nhật - Việt; năm ngôi păng bơ̆ jang hăm 1,2 anih tơchĕng hơlen, pơtho pơhrăm. Lơ̆m ‘măng năm bơ̆ jang, Phó Thủ tướng oei vă tơƀâp Phó Thủ tướng Thái Lan păng Campuchia hai.