
Truh pơma lêh păng iung pơma tơ̆ âu, Phó Thủ tướng Nguyễn Chí Dũng pơma hơdăh, ‘năr 16/4/1975 jĭ năr ư hơnhang, ang hơdăh lơ̆m jơhnơr iung jang Kăch mang đơ̆ng Đảng ƀô̆, khul linh păng kon pơlei Ninh Thuận – groi teh kơtang nuih mơng, đei pôk pơ ư hơnăn “Khul linh tơblăh kơtang nuih mơng kơ kon pơlei”.

Đơ̆ng rŏng kơ tơblăh iŏk rơngei, yak hlŏh kơbăt dôm yơ tơdrong pơmat tat, tŏ ‘mi kial ưh kơ ‘lơ̆ng, Ninh Thuận dar dĕh jang tŏk. Đơ̆ng 1 dêh char tơnuh, dang ei Ninh Thuận hlôi đei iŏk yoa sơđơ̆ng ‘lơ̆ng, jang tŏk truh 8,74%, găh grŭp jang tŏk pran lơ̆m teh đak. Phó Thủ tướng athei dêh char hơnơ̆ng tưk tơiung tơdrong juăt, hơtŏk pran tơdrong tơplih ‘nao rơgei, tơgĕch iŏk tơdrong ‘lơ̆ng, pơm ăn tơring teh “tŏ nhen phang, kial kơtang nhen hơbŭt” jing groi teh jang tŏk pran kơjăp, bơ̆ jang ‘lơ̆ng tơdrong kăt tơjur khul bơngai jang, pơjing khul kơdră pơgơ̆r 2 tăl kiơ̆ trong tơlĕch, năm truh Hop akŏm Đảng lơ̆m teh đak ‘măng mă XIV.
Viết bình luận