Phŏ Thủ tướng pơtruh nơ̆r 2 pah pơtoi hơtŏk hloh dơ̆ng tơdrong asong khul kơpal năm hơpeh hơpong dih băl, mă kăl noh khul kơdră kơpal, kiơ̆ đơ̆ng noh hơtŏk tơdrong tơbôl 2 pah tŏk minh jăl 'nao. Kơdră Hoyle sơkơ̆t hơdah, 2 teh đak oei lơ tơdrong hiôk vă pơih să jang hadoi lơ̆m dôm tơdrong jang nhen tĕch pơdro – asong jang, khua hŏk – kŏng ngê̆, pơtho pơhrăm, jang pơgang hơmet jĭ jăn, pơm tơlĕch tơmam drăm xa, jang tơmang pơhiơ̆, hơpeh hơpong kon pơlei... atŭm hăm noh sơkơ̆t hơdah Hă viê̆n Anh hơnơ̆ng kơchăng tơgŭm Jơnŭm pơgơ̆r 2 teh đak lơ̆m tơdrong hơtŏk kơhret hloh dơ̆ng tơdrong jang tơbôl 2 pah.

Kơdră Hă viê̆n adoi pơtruh nơ̆r 2 pah jang hadoi lơ̆m tơdrong vei sơđơ̆ng tơpôl, tang găn păng tơjră gah tơdrong kơdou oei sơlah kư̆ kă. Ƀơ̆t 'măng ou, Phŏ Thủ tướng teh đak bơ̆n păng Kơdră Hă viê̆n hlôi pơma đam gah lơ tơdrong đei ƀôh lơ̆m tơring păng lơ̆m apŭng plenh teh mă 2 pah atŭm tơrĕk truh.