Tơ̆ hop akŏm, Phó Thủ tướng mơ̆ng, set hơlen păng pơma nuh, tơl tơblang dôm nơ̆r apinh đơ̆ng bơngai tăh hla ƀơm truh mŭk drăm, tơpôl, tơdrong arih xa kơ kon pơlei tơ̆ tơring. Hăm tơdrong ƀiên chê̆ kơ đe thây kô, Phó Thủ tướng pơma hơdăh ‘nâu jĭ tơdrong gơ̆h jang đơ̆ng tơring, mă athei athei pơm ‘lơ̆ng kiơ̆ tơdrong hơgăt “đei hŏk tro athei đei thây kô”, pơm ‘lơ̆ng ăn tơdrong gơ̆h hŏk pơhrăm păng pơtho hŏk gơ̆h hơgei.

Găh jên khei kơ đe kăn ƀô̆, bơngai jang tơ̆ xăh, Phó Thủ tướng ăn tơbăt dôm tơdrong tơgŭm oei chih hơmet pơ ‘lơ̆ng; ƀât tam mă chih tơlĕch jên khei ‘nao, Teh đak tơchĕng lơ̆m sơnăm 2026 vă hơtŏk ming jên khei. Phó Thủ tướng pơma hơdăh Bắc Ninh jĭ 1 tơring jang tŏk gĭt kăl kơ teh đak, đei tơdrong jang mŭk drăm tih, jang tŏk pran, tơdrong arih xa kơ kon pơlei roi đunh roi tŏk ‘lơ̆ng.