Tơdrong jang trong gre kơdâu hrĕnh Quy Nhơn - Pleiku kơjung 125 km, ăn 4 tong gre kơdâu, akŏm jên tơmơ̆t jang 43.734 ti hlak jên, klăih song jing 3 tơdrong jang yua đơ̆ng Anih vei lăng kon pơlei dêh char Gia Lai pơm anih jang tơ ‘ngla vei lăng; tơchĕng hơdrol pơm đang, ăn gre kơdâu lơ̆m sơnăm 2029. Phŏ Thủ tướng Phạm Gia Túc hlôi kơtă hơlen lăng tơdrong bơ̆jang, tơdrong jang iŏk pơ ‘ngoăih teh păng tơmam ming man tơ̆ 2 tơdrong jang XL01 păng XL02, găh tơdrong jang mă 1. Lơ̆m noh, tơdrong jang XL02 đei kơjă 2000 ti hlak jên, hlôi iŏk đei hloh 18% tơdrong jang, oei hiơ̆ pơting hăm trong tơlĕch jang.

Hăm tơdrong jang 2, teh groi kông mơmat, mă loi ‘noh jĭ 2 trong trôm klĕch kông An Khê păng Mang Yang, akŏm kơjung dang 5,75 km, tơlĕch ăn ‘meh vă tôch kơ hơlen găh ki thuơ̆t iŏk jang. Phŏ Thủ tướng athei dôm anih jang kơchăng hơmet pơ ‘lơ̆ng mơmat tat lơ̆m pơih trong gơh mơ̆t tơ̆ ‘măng trôm, chơ chuĕn tơmam păng hơvơn tôm bơngai jang, tơmam drăm.