Tơ̆ jơ pơma đam, Phŏ Thủ tướng teh đak bơ̆n Nguyễn Hòa Bình bơnê kơ dôm tơdrong tơgop kăp gĭt đơ̆ng Ƀô̆ trương Kơpal Lý Hiển Long hăm tơdrong hơtŏk jang tơbôl kơ 2 teh đak adoi nhen tơdrong jang hơtŏk mŭk drăm kơ Việt Nam lơ̆m dôm anglŏ sơnăm ou ki, lơ̆m noh đei tơdrong hơtŏk kơtang gah dôm Hơnih jang Kŏng ngĭp Việt Nam - Singapore (VSIP).  

Phŏ Thủ tướng Teh đak bơ̆n Nguyễn Hòa Bình hơpơi 'meh Ƀô̆ trương Kơpal pơtoi tơrĕk tơgŭm hơtŏk kơtang hloh tơdrong jang tơbôl kơ 2 teh đak, jang đei jơnei hloh dơ̆ng adoi nhen tơgŭm gah tơdrong hlôh vao lơ̆m hơtŏk jang jên hu păng hơtŏk jang hơdoi đơ̆ng Hơnih jang jên hu apŭng plenh teh kơ 2 teh đak.