Kơmăng 23/12, tơ̆ Anih bơ̆jang kơ Khŭl kơdră teh đak, Phŏ Thủ tướng Trần Hồng Hà pơgơ̆r ‘măng hop akŏm ‘măng mă 27 kơ Anih pơgơ̆r jang teh đak găh tang găn rôp yâu ka hơdang glăi, ưh kơ roi tơbăt, ưh kơ kiơ̆ tơdrong hơgăt (IUU). Roi tơbăt tơ̆ ‘măng hop akŏm tơbăt tơdrong jang vei lăng duk ka, dăr lăng tơdrong jang yôp yâu ka hơnơ̆ng đei pơvei kơjăp; hlôi chih tơroi hơnăn duk ka đei sut chih măt vă dăr hơlen; sek phak vă jê̆ 11 rơbâu tong duk; lơ̆m giĕng ưh kơ đei ƀôh duk pơm glăi tơring đak dơsĭ teh đak đe.

Phŏ Thủ tướng athei hơmet pơ ‘lơ̆ng pơtôch dôm hơnăp jang, hơnơ̆ng chih pơkeh hla ar roi tơbăt gơih ăn Anih jang châu Âu kiơ̆ lơ̆m jơhngơ̆m đon tơpăt, ‘lơ̆ng, tơroi rơđăh tơdrong hơdrin đơ̆ng Việt Nam lơ̆m jang ‘lơ̆ng tơdrong jang, hơtŏk tơdrong phak, roi tơbăt tơdrong păng hơmet ‘lơ̆ng dôm tơdrong ƀơm truh. Phŏ Thủ tướng Trần Hồng Hà athei Anih tơm vei lăng găh Choh jang sa păng Cham char chih pơkeh hla ar roi tơbăt tang găn rôp yâu ka IUU, gơih ăn EC hơdrol kơ ‘năr 31/12/2025.