Hop akom đei pơgơ̆r đơ̆ng năr 22 truh năr 23/12 vă akŏm pơma  dơnuh, ăn tơgop nơ̆r găh pêng tơdrong jang tih: Tơdrong bơ̆ jang proh hơmet Khul kơdră Hop akŏm mă XIV kơ Đảng; găh Tơdrong trong proh hơmet rim hla bơar tơchơ̆t pơtruh ăn Hop akom tih mă XIV kơ Đảng; rim tơdrong jang vă pơgơ̆r Hop akŏm tih Kơdră tang măt lơ̆m teh đak ‘măng mă XIV kơ Đảng. Iung pơma tơ̆ jơ pơgơ̆r blŭng a, Tổng Bí thư Tô Lâm pơma hơdăh, ‘nou jĭ Hop akom Trung ương tuch luch kơ jăl jang Hop akom tih jăl XIII, lăng hơlen, ăn tơgop nơ̆r găh dôm tơdrong vă pơgơ̆r Hop akŏm tih kơdră tang măt lơ̆m teh đak ‘măng mă XIV kơ Đảng. Rim kơdră tang măt kăl akŏm jơhngơ̆m đon, hơnăp jang, tơpăt ‘lơ̆ng lơ̆m rơih kơdră tơroi tơbăt ăn Hop akŏm tih mă XIV kơ Đảng, lơ̆m tơgop nơ̆r hăm rim tơdrong rơih hơlen khul kơdră kơ Hop akŏm tih.